يقولون .. الشعر قدح الخيال .. وطلقة .. التفكيـر
وانا اقول الشعر .. برق الصحيح .. ومزنة أفكاره
رشيق الحرف .. والمعنى العميق .. وروعة التعبير
ربيع الشعر .. واشجار الربيع .. وريحة أزهـاره
على روض الورق حامت عصافير .. ونبت نويـر
بعد ماجفت .. دموع الغمام .. / .. وجتني اخبـاره
سمعت اني على باله .. ويذكر عشرتي .. بالخيـر
وهو ماغاب عن بالي .. ولا قد هـان .. مقـداره
سرابي .. هاجس الذكرى ولا ني بحاجـة التذكيـر
لأني عايشٍ أصلاً .. بلاه .. / .. بروح .. تذكـاره
إذا .. هو يذكر .. ايام الغرام .. ويشتكـي للغيـر
فانا .. ماغير افكر به .. وصدري ، حافظ اسـراره
واذا هو صار بفراقي .. قصيده مابها .. تصويـر
فانا لازلت ، بفراقه .. لحن من دون .. / .. قيثاره
حزن ماهو حزن .. لكن حزين .. ومالهـا تفسيـر
غريب .. ولا غريب ..الا غريبٍ .. داخـل ديـاره
الى من قالوا .. شلونك .. أحمْد الله واقول بخيـر
مدامٍ .. صاحبي .. يذكر .. وأنا لا زلت .. باشعاره
يقولون .. الشعر قدح الخيال .. وطلقة .. التفكيـر
وانا اقول الشعر .. برق الصحيح .. ومزنة أفكاره
الشاعر / خلف المشعان العنزي
قصيدة / يقلون الشعر
الثلاثاء يناير 31, 2017 8:07 am من طرف 
